19 мар 07:43
Янгиликлар

Камондан отиш

Камончиларимиз Қашқадарёда жам бўлишди

Камондан отиш бўйича Ўзбекистон терма жамоаси Қашқадарё вилояти ҳуқуқни муҳофаза қилувчи органлар спорт мажмуасида ўқув-машғулот йиғини олиб бормоқда.

Янги барпо этилган базада спортчилар учун етарли шароитлар яратилган бўлиб, мураббийлар штабининг режаси асосида кунлик машғулотлар йўлга қўйилган.

Йиғин 21 март куни якунига етади. Шундан сўнг машғулотлар Тошкент шаҳрида давом эттирилади. Ушбу ўқув-машғулот йиғинлари келаси ой Туркия мезбонлик қиладиган халқаро мусобақага тайёргарлик вазифасини ўтаб беради.

Маълумот учун, Ўзбекистон делегацияси тарихда илк бор ушбу спорт турида Олимпия ўйинларида иштирок этади. Мазкур лицензия соҳибаси терма жамоа аъзоси Зиёдахон Абдусатторова ҳисобланади.