02 апр 15:53
Янгиликлар

Камондан отиш

Камончиларимиз Туркиядаги таълим дастурида иштирок этишмоқда

28 февраль куни Бутунаҳон этноспорт конфедерацияси вакиллари Тошкентга келиб, Хива шаҳрида этноспорт фестивалини ўтказиш масалаларини муҳокама қилгандилар.

Ушбу музокаралардан сўнг қўшма лойиҳаларни ҳаётга татбиқ этиш бўйича ишлар бошланиб кетди. Фестивални ўтказиш лойиҳаси тузиб чиқилди ва тасдиқланди. Ушбу лойиҳанинг асосий пунктларидан бири Ўзбекистон терма жамоаси аъзоларига камон тайёрлаш билан таништириш, ўз дастури билан фестивалда иштирок этишдан иборат эди. Туркияда ўтказилаётган ушбу дастур Ўзбекистонда камондан отишнинг ривожига катта ҳисса қўшиши шубҳасиздир.

Туркиянинг Истанбул шаҳрида ўтказилаётган ушбу таълим дастурида Ўзбекистон терма жамоасининг 6 нафар аъзоси иштирок этмоқда:

1. Минаваров Аббосжон

2. Аъзамов Эргашбек

3. Абдуқаххоров Шамсиддин

4. Савинова Марина

5. Максумова Саидахон

6. Ахмеджанова Дилнозахон

Ушбу дастур 1-30 апрель кунлари бўлиб ўтади.