30 мар 21:02
Янгиликлар

Камондан отиш

Камончиларимиз Туркиядаги халқаро мусобақада иштирок этадилар

Туркиянинг Анталия шаҳрида ўқув-йиғин машғулотини олиб бораётган камондан отиш бўйича Ўзбекистон терма жамоаси халқаро мусобақада иштирок этади.

1-7 апрель кунлари бўлиб ўтадиган “KAHRAMAN BAGATIR” турнирида 7 мамлакат вакиллари иштирок этиши кутилмоқда.

Ушбу мусобақага тайёргарлик доирасида вакилларимиз синов-машғулот баҳсини ўтказиб олишди. Унда Ўзбекистон, Туркия, Германия, Беларус, Буюк Британия, Косово, Эстония каби мамлакатлардан 60 дан ортиқ мерган баҳс олиб борди.

70х4 машқида Ўзбекистон терма жамоаси вакиллари қуйидаги натижани қайд этишди:

Зокиржон Ғафуров 1339 очко (янги Ўзбекистон рекорди)
Камола Юнусова 1264 очко (янги Ўзбекистон рекорди)

“KAHRAMAN BAGATIR” мусобақасидан кейин камончиларимиз 8 апрель куни Руминиянинг Бухарест шаҳрида ўтувчи Европа Гран-присига йўл олишади.