22 сен 20:03
Янгиликлар

Ўқ отиш

Камондан ўқ отиш. Грузиядаги мусобақаларда муваффақиятли иштирок этдик

Сентябрь ойида камондан ўқ отиш бўйича Ўзбекистон терма жамоаси аъзолари Грузияда иккита мусобақада иштирок этишди ва совриндорлар қаторидан жой олишди.

5-9 сентябрь кунлари Батуми шаҳри мезбонлик қилган халқаро турнирда жаҳоннинг саккиз мамлакатидан мерганлар иштирок этишди. Россия, Исроил, Озарбайжон, Туркия, Қозоғистон, Арманистон, Грузия ва Ўзбекистондан 89 нафар спортчи совринли ўринлар учун кураш олиб борди.

Ҳамюртларимиз жамоавий баҳсларда биринчи ўринни қўлга киритишди. Яккалик беллашувларида иштирок этган Зокиржон Гафуров эса учинчи ўринни эгаллади.

14-19 сентябрь кунлари Хелвачаури очиқ турнири бўлиб ўтди. Тўрт мамлакат спортчилари қатнашган турнирда Зокиржон Гафуров биринчи, Сардор Рустамов эса учинчи ўринни қўлга киритишди. Жамоавий мусобақаларда ҳам спортчиларимизга тенг келадиган рақиблар топилмади.