Камондан отиш бўйича Ўзбекистон терма жамоаси Таиландга етиб борди

Эътиборлиси, ушбу мусобақада келаси йили Токио шаҳрида бўлиб ўтадиган Олимпия ўйинларининг яккалик йўналишига сўнгги йўлланмалар ўйналади.

Ушбу спорт тури бўйича терма жамоамиз Бангкок сафарига йўл олганди. Мерганларимиз манзилга етиб боришди. Ҳамюртларимиз Бангкокда Осиё чемпионатигача ўқув-машғулот йиғинини олиб боришади. Ушбу вақт оралиғида мерганларимиз маҳаллий иқлим ва вақт минтақасига бемалол мослашиб олишлари учун ҳам яхши шароит бўлади. 

Эслатиб ўтамиз, мазкур Осиё чемпионатида кучли учликдан жой олган мерганлар Олимпия ўйинларига йўлланма қўлга киритиши мумкин.

Терма жамоа таркиби:

Зокиржон Гафуров

Сардор Рустамов

Жамшид Содиқов

Юнус Сармамбетов

Мунира Нурманова

Зиёдахон Абдусатторова

Камола Юнусова

Анастасия Солдатенко