Камондан отиш бўйича ёшлар ўртасида Ўзбекистон чемпионати бошланди

Ўзбекистон Республикаси Жисмоний тарбия ва спорт вазирлигининг спорт ва оммавий жисмоний тарбия тадбирларининг 2020 йил учун Республика календарь режасига асосан пойтахтимиздаги олимпия захиралари мактаб-интернатида спортнинг камондан отиш тури бўйича 2004 йил ва ундан кичик ёшлар ўртасида Ўзбекистон чемпионати старт олди.

Тадбир Ўзбекистон Республикаси Жисмоний тарбия ва спорт вазирлиги, Ўзбекистон камондан отиш Федерацияси ҳамда Спортнинг қишки ва мураккаб техник турлари бўйича Республика олий спорт маҳорати мактаби ҳамкорлигида ўтказилмоқда.

Мазкур мусобақада Тошкент шаҳри, Навоий, Фарғона вилоятлари спортчилари ўз омадларини синовдан ўтказадилар. Мусобақа дастуридан 70 метр масофадан отиш, микс, олимпик раунд ҳамда жамоа биринчилиги машқлари жой олган.

Ушбу мусобақа миллий терма жамоани шакллантириш учун селекция вазифасини ўтаб беради.