31 мар 16:28
Янгиликлар

Камондан отиш

Камондан отиш. Ҳамюртимиз Чимкентдаги халқаро турнирда совриндор бўлди

26-30 март кунлари Қозоғистоннинг Чимкент шаҳрида камондан ўқ отиш бўйича “Қуралай” деб номланган I Халқаро турнир бўлиб ўтди.

Мусобақада Арманистон, Грузия, Тожикистон, Қирғизистон, Монголия, Туркманистон, Украина, Қозоғистон ва Ўзбекистондан жами 250 дан зиёд спортчи иштирок этди. Илк бор ўтказилган мазкур йирик турнирда юртимиз шарафини икки нафар камончи, Йўлдош Ҳайитов ва Келдиёр Ҳасанов ҳимоя қилишди. Якуний натижаларга кўра, Йўлдош Ҳайитов Классик камон йўналишида бронза медалга сазовор бўлди.