Камондан отиш. Тарихда илк бор ўзбекистонлик спортчи олимпиада лицензиясини қўлга киритди!

Аёллар ўртасида яккалик дастурида баҳс олиб борган Зиёдахон Абдусатторова финалгача етиб бориб, Олимпиада иштирокчисига айланди. Регламентга кўра, яккалик йўналишида ўтаётган ушбу турнирда финалчилар Париж-2024 йўлланмасига эга бўлишади. 

Шу тариқа, камондан отиш бўйича Ўзбекистон терма жамоаси ўз тарихида илк бор Олимпиада йўлланмасига сазовор бўлмоқда.