Камондан отиш. Терма жамоамиз аъзолари Париж-2024 йўлида иккита лицензион мусобақада иштирок этади

Спортчиларимиз Таиланд пойтахти Бангкокда ўтказиладиган кетма-кет иккита лицензион мусобақада иштирок этади.

Дастлаб, 5-9-ноябрь кунлари Осиё чемпионати ташкил этилади, ундаги яккалик дастурида Париж-2024 лицензиялари ўйналади. Регламентга кўра, Осиё чемпионатида шу пайтгача йўлланма ололмаган атлетлар орасида энг яхши натижа кўрсатган икки мерган Олимпиада иштирокчисига айланади.

Шундан сўнг 10-12-ноябрь кунлари Осиё қитъаси учун лицензион турнир бўлиб ўтади. Мазкур мусобақа фақат жамоавий дастурда ўтказилиб, унда эркаклар ва аёллар ўртасида биринчи ўринни қўлга киритган давлатларгина Париж-2024 йўлланмаси соҳиби бўлишади. Терма жамоамиз Бангкокка қуйидаги таркибда йўл олди:

Эркаклар:

Амирхон Содиқов

Озодбек Унгалов

Чен Яо Юй

Миржалол Миролимов

Аёллар:

Зиёдахон Абдусатторова

Нилуфар Ҳамроева

Жасмина Нурманова

Бибихожар Йўлдошева.