18 фев 18:04
Янгиликлар

Ўқ отиш

Камондан отиш. Терма жамоамиз аъзолари Самарқандда йиғинга киришди

Камондан отиш бўйича Ўзбекистон терма жамоаси вакиллари лицензион мусобақаларга тайёргарликнинг навбатдаги босқичини бошлашди.

Мерганларимиз 15 февраль куни Самарқанд шаҳридаги ихтисослаштирилган Олимпия захиралари мактаб-интернатида спортчиларимиз машғулотларга киришдилар.

Терма жамоамиз сафида йиғинда Зокиржон Ғофуров, Жамшид Содиқов, Сардор Рустамов, Абдулбори Аловиддин, Мунира Нурманова, Камола Юнусова, Зиёдахон Абдусатторова ҳамда Анастасия Солдатенко каби спортчиларимиз иштирок этишмоқда. Машғулотлар Туркиядан ташриф буюрган мураббий Владимир Леквишвили қўл остида ташкил этилмоқда.

Мазкур йиғин 10 мартга қадар давом этади. 12 март куни эса мерганларимиз Туркиянинг Анталия шаҳридаги халқаро ўқув-машғулот йиғинларига жўнаб кетадилар.

Режага кўра, спортчиларимиз июнь ойида Голландиянинг Хертогенбош шаҳридаги рейтинг турнирида қатнашадилар.