Камшибек Конкабаев Исроил Мадримовнинг Теренс Кроуфордга қарши жанги ҳақида гапирди

"Теренс Кроуфорд бу жангда фаворит бўлади. Ўйлашимча, бундай жанглар Мадримовга фақатгина фойда келтиради. Бу кучли рақибга қарши жангда тажриба орттириш ва ўз номини яратиш учун имкониятдир. Мен биродаримиз Исроил Мадримов учун хурсандман. Нисбатан қисқа вақт ичида, аниқроғи 10 та жангдан кейин у Кроуфорддек афсонавий боксчига қарши рингга чиқмоқда. Мен Исроил Мадримовга мухлислик қиламан", деди Конкабаев.

Маълумот учун, WBA чемпиони Исроил Мадримовнинг Теренс Кроуфордга қарши жанги 3 август куни бўлиб ўтади.