26 июл 07:41
Янгиликлар
Бокс/ММА
Камшибек Кункабаев Олимпиада-2020да мағлуб бўлган жанги ҳақида: "Балки ўшанда олдинга интилиб хато қилгандирман"
Машҳур қозоғистонлик боксчи Камшибек Кункабаев 2020 йилги Олимпиада ярим финалида мағлуб бўлгани ҳақида гапирди.
- Токио-2020 ярим финалида америкалик боксчига мағлуб бўлгандингиз. Бунга сабаб нима? Жанг бошида Сиз жуда шошилгандек кўрингандингиз. Шундан кейин сиқилдингизми?
- Сиқилиш ҳам, асабийлашиш ҳам бўлди. Жаҳон чемпионатида иштирок этганман, бироқ Олимпиада атмосфераси жуда бошқача. У ерда осонлик билан мағлуб этганларим бу ерда жонини жабборга бериб, ғалаба учун жанг қилишди. Тактика нуқтаи назаридан мен биринчи раундда мағлуб бўлмадим, менимча устунлик ҳам қилгандим. Бурчакка келганимда эса менга мағлуб бўлаётганимни айтишди. Кейин яна олдинга интилдим. Балки бу хато бўлгандир. Балки ўша руҳда давом этишим керак бўлгандир, - деди Камшибек.
Эслатиб ўтамиз, ўшанда Кункабаев америкалик Ричард Торресга ютқазиб қўйганди.
Ҳавола :
Манба : Qazsport
Фикрлар