12 май 12:11
Янгиликлар

Теннис

Канада Бушарни молиявий томондан "поддержка" қилмайди

Канада теннис федерацияси ҳамда Banque Nationale миллий банки рейтинги паст бўлган мамлакат теннисчиларини молиявий томондан қўллаб-қувватлаш дастурини ишлаб чиқди.

Унга кўра ATP ва WTA яккалик рейтингида 100-ўриндан 750-поғонагача, жуфтликда 25-100 оралиқ, ёш теннисчиларда ТОП-100, коляска, яъни аравачалардаги паралимпиячиларда ТОП-50 оралиқдан жой олган теннисчиларга мос равишда 10 минг доллардан 20 минг долларгача ёрдам пули берилади.

Ушбу рўйхатдан жами 23 нафар теннисчи жой олган. Канадалик теннис маликалари Эжени Бушар ҳамда Габриэла Дабровски бу талабларнинг биронтасига тўғри келмади. Бу икки теннисчи фаолиятлари давомида 2,5 миллион доллар ишлаб топиб бўлишган.