Канада - хоккей бўйича Олимпиада чемпиони!

Ҳозиргина ҳал қилувчи финал учрашуви ниҳоясига етди ва унда Канада терма жамоаси амалдаги чемпион АҚШни 3:2 (2:0, 1:1, 0:1) ҳисобида мағлуб этиб, 24-Қишки Олимпиада чемпионига айланди.

Канадаликлар таркибида Мари-Филип Пулен дубль муаллифига айланди. Яна бир шайба Сара Нурс ҳисобига ёзилди. АҚШ таркибида киритилган голларга Хилари Найт ва Аманда Кессел муаллифлик қилишди.

Таъкидлаш жоиз, Мари-Филип Пулен 4 та Олимпиада финалида дарвозага шайба киритган тарихдаги биринчи хоккейчига айланди. Пулен шунингдек, Канада терма жамоасининг Олимпиада очилиш маросимидаги байроқдори ҳам бўлганди.