29 ноя 10:32
Янгиликлар

Теннис

Канададан устун келган Қозоғистон "Дэвис Кубоги" 1/4 финалида

Теннис бўйича Қозоғистон терма жамоаси норасмий жаҳон чемпионати ҳисобланган "Дэвис Кубоги"нинг 1/4 финал иштирокчисига айланди.

Ён қўшниларимиз гуруҳ босқичининг сўнгги учрашувида Канада терма жамоасини 3:0 ҳисобида мағлуб этишди. Аввалига Михаил Кукушкин Брэйден Шнурдан устун келди - 6/3, 6/7(5), 7/5.

Кейин эса Александр Бублик Вашек Поспишилни 6/2, 7/6(6) ҳисобида енгиб, Қозоғистон терма жамоасига муддатидан аввал умумий ғалабани тақдим этди.

Ҳеч нарсани ҳал қилмайдиган жуфтликлар баҳсида ҳам Андрей Голубев ва Александр Недовесов рақиблари Питер Полански ва Брэйден Шнурни мағлубиятга учратишди - 6/4, 6/7(6), 6/1.