10 янв 10:09
Янгиликлар

Бокс/ММА

Канадалик бизнесмен янги ММА лигаси ташкил этмоқда. UFC собиқ юлдузлари йиғилаётган Лига билан Ҳумоюн Тўхтамуродовдан кейин Амирхон Алихўжаев ҳам шартнома имзолади + ФОТО

Тез орада янги Global Fight League ММА лойиҳаси старт олади.

Қизиғи, ташкилот ҳозиргача Тайрон Вудли, Фабрицио Вердум, Энтони Петтис, Абубакар Нурмагомедов, Алексей Олейник, Льюк Рокхолд, Андрей Орловский, Жуниор Дос Сантос, Кевин Ли, Тиаго Сантос каби 50 дан ортиқ машҳур жангчиларни ўз сафига қўшиб олди.

Аҳамиятлиси, енгил вазн тоифасида ўзбекистонлик аралаш якка кураш устаси Амирхон Алихўжаев ҳам Лига иштирокчилари сафига қўшилди. Аввалроқ, Ҳумоюн Тўхтамуродов GFL аъзосига айлангани ҳақида хабар бергандик.

Ташкилот қоидаларига кўра, турнирда 6 жамоага бўлинган 120 жангчи иштирок этади. Апрель-ноябрь ойларида плай-офф ва финал босқичлардан иборат 15 та турнир бўлиб ўтади. Ҳар бир жанг натижасига кўра иштирокчиларга баллар ёзилиши белгиланган.