17 янв 17:17
Янгиликлар
Олимпия ўйинлари, Қишки спорт турлари
Кангвон-2024 қишки ўсмирлар Олимпиадасида иштирок этувчи Ўзбекистон делегацияси Олимпия шаҳарчасига жойлашди
19 январь куни Корея Республикасининг Кангвон шаҳрида IV ўсмирлар ўртасидаги қишки Олимпиада старт олади.
Мусобақада иштирок этадиган Ўзбекистон делегацияси бугун Олимпия шаҳарчасига етиб борди.
Олимпиадада икки нафар ўзбекистонлик спортчилар - Рауан Раимқулов ҳамда Сабина Режепова тоғ чанғиси беллашувларида иштирок этади. МОҚ матбуот хизматининг хабар беришича, делегациямиз тоғ чанғиси баҳслари ўтказиладиган "Jeongseon High 1" шаҳарчасига жойлашган.
Кангвон-2024 қишки ўсмирлар Олимпиадасининг очилиш маросими 19 январь куни ташкил этилади. Ҳамюртларимиз иштирокидаги баҳслар эса 21-24 январь кунлари бўлиб ўтади.
Ҳавола :
Манба : olympic.uz
Фикрлар