Каннонир "Робокоп"ни нокаут қилди. UFC Fight Night 251 турнирининг барча натижалари битта саҳифада

Оқшомнинг асосий жангида ўрта вазн тоифасида UFC чемпионлик камари учун собиқ даъвогар америкалик Жаред Каннонир бразилиялик Грегори Родригесни тўртинчи раундда нокаутга учратди. Бу билан Жаред "Робокоп"га Топ-15 рейтингига кириб олиш учун имконият бермади. 

Қизиғи, биринчи раундда икки бор нокдаун ҳолатига тушиб қолган Жаред қийин вазиятдан чиқиб кета олди. Ғалабаси эвазига Жаред Каннонир икки мағлубиятли сериясини ёпиб кетди. Грегори Родригес эса аксинча, охирги тўртта жангида биринчи мағлубиятини қабул қилиб олди. 

Турнирнинг ко-мэйнивент жангида ярименгил вазн тоифаси вакили америкалик Юссеф Залал Топ-15 дивизионига кириб олиш учун катта қадам ташлади. Катта эҳтимол билан у янгиланган рейтингда ўн бешталикка кириб олади. У ҳакамларнинг якдил қарори билан тажрибали ватандоши, рейтингда 10-ўринни эгаллаб турган Келвин Каттарни таслим этди.

Оқшомнинг нуфузи бўйича учинчи жангида ўрта вазн тоифаси вакиллари Эдмен Шахбазян ва Дилан Будка ўзаро октагонда тўқнаш келишди. Америкаликлар ўртасидаги ушбу тўқнашувда Эдмен рақибини биринчи раунднинг иккинчи дақиқасидаёқ техник нокаутга учратди. 

Шунингдек, бугунги турнирда Назим Садихов, Хосе Дельгадо, Габриэль Бонфим ва Вальтер Уокер ҳам рақибларини муддатидан аввал мағлуб этди.

UFC Fight Night 251 турнирининг барча натижалари:

Жаред Каннонир Грегори Родригес техник нокаутга учратди – 4-раунд, 0:21.

Юссеф Залал очколар бўйича Келвин Каттарни енгди (29-28, 29-28, 29-28).

Эдмен Шахбазян Дилан Будкани техник нокаутга учратди – 1-раунд, 1:35.

Назим Садихов Исмаэль Бонфимни техник нокаут эвазига енгди (шифокор тавсиясига кўра тўхтатилди) – 1-раунд, 5:00.

Андре Петроски Родольфо Виейрани очколар ҳисоби билан ютди (29-28, 29-28, 29-28).

Хосе Дельгадо Коннор Мэттьюсни нокаутга учратди – 1-раунд, 2:58.

Анжела Хилл рақибаси Кетлин Соузадан очколар бўйича устун келди (29-28, 28-29, 29-28).

Рафаэль Эстевам Хесус Агиларни очколар ҳисобига кўра мағлуб этди (29-28, 29-28, 29-28).

Габриэль Бонфим Хаос Уильямсни техник сабмишн эвазига енгди (Брабо бўғиши) – 2-раунд, 4:58.

Элайж Смит Винс Моралесни ҳакамларнинг якдил қарори билан ютди (29-28, 29-28, 29-28).

Валтер Уокер ДонТэл Майсни сабмишн эвазига таслим этди – 1-раунд, 1:17.

Жаклин Кавальканти рақибаси Жулия Авилани очколар бўйича мағлубиятга учратди (30-27, 30-27, 30-27).