Каноэчимиз Герасим Кочнев ярим финалга чиқди

Ўзбекистонлик спортчиларнинг бугунги иштирокини каноэда эшкак эшиш вакилимиз Герасим Кочнев бошлаб берди. 1000 метр масофага ўтказилган саралаш баҳсларида ҳамюртимиз учинчи гуруҳда стартга чиқди.

Ярим финалга чиқиш учун ўз гуруҳида кучли учликдан жой олиши талаб этиларди. Амалда ҳам шундай бўлиб чиқди. Осиё чемпионатида ёрқин иштироки билан ёдда қолган Кочнев маррага иккинчи бўлиб етиб келди. Энди у ярим финалда курашни давом эттиради.