Каратэ: бугун Осиё чемпионлари аниқланади

Хабар берганимиздек, кеча пойтахтимиздаги “Ўзбекистон” спорт мажмуасида каратэ WKF бўйича катталар ўртасида Осиё чемпионатининг яккалик кумитэ ва ката баҳсларига старт берилган эди.

Бугун эса мазкур йўналишларда медаллар учун жанглар ўтказилади. Хабарингиз бор, кечаги саралаш баҳсларидан кейин 4 нафар спортчимиз Осиё чемпионлиги учун курашиш имкониятига эга бўлди. Булар – Садриддин Сайматов, Баҳринисо Бобоева, Севинч Раҳимова ҳамда Нодира Жуманиёзова.

Қуйида вакилларимизнинг финал жангларидаги рақиблари билан танишинг:

Эркаклар:

-60 кг: Садриддин Сайматов – Рафаэль Акбаров (Қирғизистон)

Аёллар:

-50 кг: Баҳринисо Бобоева – Михо Мияхара (Япония)

-55 кг: Севинч Раҳимова – Трават Ҳаксар (Эрон)

-68 кг: Нодира Жуманиёзова – Жоржия Зефаня (Индонезия)

Шунингдек, бугун терма жамоамиз аъзоларидан Жавоҳирбек Абдусатторов (-55 кг), Достонбек Отаболаев (-75 кг) ҳамда Абдулазиз Отабоев (-84кг) ўз вазн тоифаларида бронза медали учун кураш олиб боради.

Эслатиб ўтамиз, ушбу Осиё чемпионати бир вақтнинг ўзида Токио-2020 ёзги Олимпия ўйинлари учун лицензион турнир вазифасини ҳам ўтаб беради.