Каратэ. Осиё чемпионатидан 13 та медал билан қайтишяпти

Ўсмирлар ва ёшлар (14 ёшдан 20 ёшгача) ҳамда катталар (20 ёшдан юқори) ўртасида ташкил этилган қитъа чемпионатида Осиёнинг 30 та давлатидан 700 нафардан зиёд каратэчилар татамига чиқишди.

Қитъа чемпионатида Ўзбекистон терма жамоаси ҳам тўлиқ таркиб билан иштирок этди. Терма жамоамиз таркибидан 41 нафар спортчи жой олган бўлиб, якунда каратэчиларимиз томонидан жами 13 та медал қўлга киритилди.  

Терма жамоамизга сўнгги медални -60 кг вазн тоифасида татамига чиққан Садриддин Сайматов келтирди. Финалга қадар мағлубиятсиз етиб борган ҳамюртимиз олтин медал учун кечган баҳсда амалдаги жаҳон чемпиони бўлган эронлик рақибига ютқазиб қўйди.

Барча совриндорларимиз:

14-15 ёшлилар ўртасида: 

-54 кг. Дилдора Алиқулова (кумуш)

-47 кг. Бону Эгамбердиева (бронза)

Дурдона Тўрақулова (якка ката, бронза)

-70 кг. Ислом Сатторов (бронза)

16-17 ёшлилар ўртасида:

-48 кг. Насиба Норбоева (бронза)

-53 кг. Моҳичеҳра Янгибоева (бронза)

18-21 ёшлилар ўртасида

+68 кг. Айбиби Аҳмедова (кумуш)

-55 кг. Зулхумор Турсуналиева (бронза)

-61 кг. Дилдор Аннадурдиева (бронза)

-84 кг. Абдуллазиз Атабаев (бронза)

Катталар ўртасида:

-60 кг. Садриддин Сайматов (кумуш)

-50 кг. Бахринисо Бобоева (бронза)

-67 кг. Санжар Абдукаримов (бронза)