Каратэ. Осиё чемпионатини 7 та медаль билан якунладик

Кеча ўтказилган кумите баҳсларида 6 нафар ҳамюртимиз совриндорлар қаторидан ўрин олишганди. Бугун чемпионат доирасида жамоавий кумите бўйича жанглар ташкил этилди. Эркаклар ўртасидаги баҳсларда йигитларимиз аввалига Жанубий Корея терма жамоасини 3:2 ҳисобида мағлуб этишди. Сўнгра Қувайт терма жамоаси 3:2 ҳисобида таслим этилди. Ярим финалда кечган жангда эса спортчиларимиз Саудия Арабистони терма жамоасига 1:3 ҳисобида ютқазиб қўйишди. Бронза медали учун кечган жангларда эса йигитларимиз 3:2 ҳисобида ғалаба қозониб, 2019 йилги Осиё чемпионатининг бронза медалига сазовор бўлишди. 

Мусобақа давомида терма жамоамиз шарафини Жамоавий кумите, эркаклар: Абдукаримов, Атабаев, Иброҳимов, Калижанов, Мамажонов, Отаболаев, Узоқов каби спортчиларимиз ҳимоя қилишди. 

Ўзбекистон каратэ федерацияси матбуот хизмати