12 июл 09:15
Янгиликлар
Каратэ
Каратэ. Терма жамоамиз делегацияси Осиё чемпионатига жўнаб кетди
Бугун Қозоғистоннинг Астана шаҳрида каратэ-до бўйича Осиё чемпионати бошланди.
Ўсмирлар ва ёшлар (14 ёшдан 20 ёшгача) ҳамда катталар (20 ёшдан юқори) ўртасида ташкил этилаётган қитъа чемпионатида Осиёнинг 30та давлатидан 700 нафардан зиёд каратэчилар татамига чиқишади.
Осиё чемпионати илк бор Қозоғистон заминида ўтказиляпти. Шу пайтгача қитъа чемпионатига асосан Шарқий Осиё мамлакатлари - Малайзия, Сингапур, Япония, Хитой мезбонлик қилган.
Табиийки, Осиё чемпионатида Ўзбекистон терма жамоаси ҳам тўлиқ таркибда иштирок этади. Терма жамоамиз таркибидан 41 нафар спортчи жой олган.
Улар орасида Осиё чемпиони Садриддин Сайматов, Осиё ўйинлари совриндорлари Барно Мирзаева, Шаҳбоз Аҳадов, Ғофуржон Зоҳидов, шунингдек, Достонбек Отаболаев, Холбек Хурсанов сингари тажрибали ва истеъдодли каратэчилар бор.
Ҳавола :
Манба : olamsport.com
Фикрлар