08 дек 10:28
Янгиликлар

Каратэ

Каратэ WKF. Малайзиядаги турнирда биринчи бўлдик + ФОТО

Малайзия пойтахти Куала-Лумпур шаҳрида каратэ WKF тури бўйича анъанавий халқаро турнир бўлиб ўтди.

Ўз тарихида тўртинчи бор ташкил этилган Куала-Лумпур шаҳри мэри, яъни ҳокими Кубогида дунёнинг 50та клубидан 1200 нафар 18 ёшгача бўлган спортчилар татамига чиқди. Улар орасида 32 нафар ўзбекистонлик спортчилар ҳам бор эди.

Каратэчиларимиз мазкур мусобақада 13та олтин, 7та кумуш, 3та бронза, жами 23та медал билан умумжамоа ҳисобида биринчи ўринни эгаллашди.

Терма жамоамиз аъзоларидан Мурод Боймуҳаммедов, Дилноза Ғаниева, Жасурбек Маматов, София Алиева, Самир Камолов сингари спортчиларимиз ўз ёш ва вазн тоифаларидан мусобақа ғолиби бўлишди.