Каратэчиларимиз Марокашдаги “Премьер Лига” мусобақасида иштирок этишади

Ўзбекистон миллий терма жамоаси ҳам иштирок этадиган мазкур йирик турнирда дунёнинг 78 давлатидан 700 нафарга яқин кучли каратэчилар медаллар билан бирга Токио олимпиадаси рейтинг очколари учун ҳам баҳс олиб боришади.

Ушбу нуфузли мусобақада терма жамоамиз қуйидаги таркибда иштирок этади:

Эркаклар:

-60 кг: Садриддин Сайматов

-67 кг: Санжар Абдукаримов

-67 кг: Иқболжон Узоқов 

-75 кг: Достонбек Отаболаев 

Аёллар:

-50 кг: Баҳринисо Бобоева 

-61кг: Барно Мирзаева 

Мураббий: Ўктам Бекпўлатов.

Маълумот учун: А серияси тоифасига кирувчи “Каратэ-1” деб номланган Премьер лига баҳслари жорий йил 7 босқичда ўтказилиши режалаштирилганди. Учинчиси Марокашда уюштирилаётган ушбу нуфузли мусобақанинг дастлабкиларига  Франция (Париж) ва БАА (Дубай) мезбонлик қилган. Кейинги босқичлар Шанхай (Хитой, 7-9 июнь), Токио (Япония, 6-8 сентябрь), Москва (Россия, 4-6 октябрь) ва Мадрид (Испания, 29 ноябрь – 1 декабрь) шаҳарларида ўтади.