17 дек 12:57
Янгиликлар

Каратэ

Каратэчиларимиз Осиё чемпионатининг илк кунида 5 та медаль қўлга киритишди

Пойтахтимиздаги "Юнусобод" спорт мажмуаси каратэ WKF бўйича турли ёш тоифаларидаги Осиё чемпионатига мезбонлик қилмоқда.

Биринчи кунда ўсмирлар ёш тоифаларида ката ва кумите бўйича яккалик ҳамда жамоавий йўналишдаги баҳслар ўтказилди. Қувонарлиси, унда Ўзбекистон терма жамоаси 1 та олтин, 1 та кумуш ва 3 та бронза, жами 5 та медалга сазовор бўлди.

Ягона олтин медалга 14-15 ёшли ўсмирлар ўртасида +70 кг вазн тоифасида кечган кумите баҳсларида Муҳаммадризо Абдулатипов эгалик қилди.

Олтин медаль:

Кумите (14-15 ёш), +70 кг: Муҳаммадризо Абдулатипов

Кумуш медаль:

Кумите (14-15 ёш), -52 кг: Ҳумоюнмирзо Ҳалимов

Бронза медаль:

Ката (16-17 ёш): Абдулазиз Расулов
Жамоавий ката (16-17 ёш), ўғил болалар
Жамоавий ката (16-17 ёш), қиз болалар