Каратэчиларимиз Япониядаги жаҳон чемпионатида умумжамоа ҳисобида биринчи бўлишди ФОТОГАЛЕРЕЯ

Дунёнинг 35 давлатдан 1000 нафардан зиёд каратэчилар иштирок этган дунё биринчилигида Суҳроб Ирисқулов бошчилигидаги мамлакатимиз терма жамоаси аъзолари ҳам ўз маҳоратларини намойиш этишди. 

Қувонарлиси, ҳамюртларимиз жаҳон чемпионати якунида 13 та олтин, 12 та кумуш ва 5 та бронза, жами 30 та медаль билан умумжамоа ҳисобида биринчи ўринни эгаллашди. 

Нозигул Адҳамова, Абдулазиз Хўжақулов, Аҳрор ва Асрор Ирисқулов, Шохруҳ Истамов, Адҳам Ибрагимов сингари каратэчиларимиз ўз вазн тоифаларида шохсупанинг энг юқори поғонасига кўтарилишди. 

Адҳам Ибрагимов эса олтин медалдан ташқари жаҳон  чемпионатининг энг яхши спортчиси деб ҳам топилди. Абдулазиз Хўжақулов ва Ахрор Ирисқулов қора белбоғ учун имтихон топширишди ва 1-ДАН қора белбоғ соҳибига айланишди.