11 мар 11:39
Янгиликлар

Бокс/ММА

Кардида икки чемпионлик жанги бўлган UFC турнирининг расмий постери намойиш этилди + ФОТО

12 апрель куни АҚШнинг Майами шаҳрида бўлиб ўтадиган аралаш яккакурашлар бўйича UFC 327 турнирининг расмий постери эълон қилинди.

Асосий жангда ташкилотнинг ярим оғир вазн тоифасидаги (93 кг гача) собиқ чемпиони чехиялик Иржи Прохазка австралиялик Карлос Ульбергга қарши вакант камар учун октагонга чиқади. Ушбу чемпионлик камари бразилиялик Алекс Перейра оғир вазнга ўтганидан кейин вакант, яъни эгасиз қолганди.

Ушбу рақамланган турнирда энг енгил вазн (57 кг гача) тоифаси чемпиони мьянмалик Жошуа Ван япониялик Татсуро Тайрага қарши жангда илк чемпионлик камар ҳимоясини ўтказади.

Шунингдек, оқшом доирасида ярим оғир вазн тоифасида мағлубиятга учрамай келаётган россиялик Азамат Мурзаканов бразилиялик Пауло Костага қарши жанг қилади.