31 июл 10:50
Янгиликлар

Бокс/ММА

Кардида иккита чемпионлик жанги бўлган UFC 277 турнирининг бонус соҳиблари маълум

Бироз аввал АҚШнинг Даллас шаҳрида якунига етган UFC 277 турнирининг бонус соҳиблари эълон қилинди.

Кафолатланган гонорарлардан ташқари қўшимча 50 000 долларлик бонус, яъни мукофот пулига тўрт нафар жангчи эга чиқди. Ўзаро ёрқин жанг уюштириб берган Александр Пантожа ва Алекс Перес бонусга лойиқ кўрилишди. Ушбу жангнинг биринчи раундидаёқ бразилиялик Пантожа техник нокаут эвазига ғалаба қозонди.

Брендон Морено ва Кай Кара-Франс (Морено нокаут эвазига ғалаба қозонди) ўртасидаги қарама-қаршилик эса оқшомнинг энг яхши жанги деб топилди. Уларнинг ҳар иккиси ҳам бонусни қўлга киритишди.

Қизиғи, бугун марказий жангда ғалаба қозониб, яна икки вазн чемпионига айланган Аманда Нуньес ҳам, рақибларини муддатидан аввал мағлубиятга учратган россиялик Магомед Анкалаев ва Сергей Павлович ҳам бонусга лойиқ кўрилишмаган.