28 мар 08:47
Янгиликлар

Теннис

Карен Хачанов Майами "Мастерс" 1/8 финалида

АҚШнинг Майами шаҳрида теннис бўйича "Мастерс" сериясига кирувчи турнир бўлиб ўтмоқда.

Дунёнинг 16-ракеткаси, россиялик Карен Хачанов учинчи даврада ATP рейтингининг 44-поғонасидан бораётган чехиялик Иржи Лехечкани ортиқча қийинчиликсиз таслим этди - 6/2, 6/4.

Бу теннисчиларнинг ўзаро ўтказган илк учрашуви эди. Саксон беш дақиқа давом этган баҳсда Хачанов 8, Лехечка 6 та эйс зарбасини амалга оширган. Энди Карен Майами "Мастерс" 1-8 финалида грециялик Стефанос Циципасга қарши кортга чиқади.