UZ

Сўнгги янгиликлар

07:56Таваллуд айём муборак, Шаҳрам Аҳадов! 0 07:35"Реал Мадрид" мавсумнинг илк ўйинидаёқ очко йўқотди 0 07:14Рим "Мастерс" турнири жуфтлигида чемпионлар аниқланди 0 06:53Уайт собиқ чемпионни фаолиятини якунлашга чақирди 0 06:20Мухторхон Тошхўжаевни табриклаймиз! 0 05:46Шота Арвеладзе: "Ғалаба қозонишни хоҳласангиз, рақибдан кўпроқ гол уришингиз керак" 0 21:10Кутилмаган хабар! Шоҳжаҳон Эргашевнинг эртанги жанги бекор қилинди 4 19:20Рим. Халеп Мугурусани мағлуб этиб, финалга йўл олди 0 18:58"Манчестер Юнайтед" футболчиси "Зенит"га ўтиши мумкин 0 18:33Чимаев: Мени даъвогарларнинг сафига қўшишларига ҳақлиман 2 18:11Усман Ковингтоннинг бугунги ғалабаси ҳақида фикр билдирди 1 17:48“Мастерс”. Жокович қийинчилик билан ярим финалга йўл олди 0 17:25Гвардиола: "Бу клубда ишлаш - шунчаки ажойиб" 0 17:01Жисмоний тарбия ва спорт вазири Дилмурод Набиевни табриклаймиз 0 16:41Чимаев: Мен иккинчи Хабиб эмасман, рақибларни нокаут ҳам қила оламан 3

09 ноя 14:28
Янгиликлар

Футбол

Карлес Пуйоль иштирокидаги матбуот анжумани бўлиб ўтди

Теглар :  Пуйоль
Жаҳон ва Европа чемпиони Карлес Пуйоль иштирокидаги матбуот анжумани бўлиб ўтди.

Карлес Пуйоль Тошкентда + ФОТО


"Барчага салом. Катта раҳмат. Ўзбекистон футбол Федерациясига раҳмат айтаман. 2008 йил ҳам шу ерга келгандим. Ўша ташриф ҳамон хотирамда турибди. Яна бир бор Ўзбекистонда эканлигимдан хурсандман. ЎФФ президенти жаноб Умид Аҳмаджонов туфайли бу ердаман. Гарчи Ўзбекистон терма жамоаси Россиядаги мундиалга чиқа олмаган бўлса ҳам яқин вақт ичида бунга эришасизлар деб умид қиламан. Ёшларга эътибор қаратилаётгани ажойиб. Агар ёшларга эътибор қаратсанглар 2022 йилги Қатардаги ЖЧга чиқасизлар", - дейди Карлес Пуйоль.  

- Гвардиола "Барселона" бош мураббийи бўлган пайтда Гвардиола тунлари сизларга қўнғироқ қилиши ҳақида гаплар бор бу қанчалик ҳақиқат? 

- Гвардиола ажойиб мураббий. Уни дунёнинг энг кучли мураббийларидан бири деб ҳисоблайман. У билан бир мавсумда олтита соврин ютгандик. Тунлари қўнғироқ қилармиди? Йўқ албатта. Бу ҳазил эди. Агар қўнғироқ қилганида ҳам мен унга жавоб бермасдим (кулади)


- Бир кун келиб мураббий бўлсангиз Ўзбекистон терма жамоасини бошқаришингиз мумкинми? 

- Ҳозирча 40 ёшдаман. Мураббийлик лицензиям ҳам йўқ. Агар келажакда таклиф бўлса балки Ўзбекистонда ҳам ишларман. Барча нарса бўлиши мумкин. 


- Ўтган мавсум ПСЖ ўз уйида "Барселона"ни 4:0 ҳисобида мағлуб этгач сиз интервью бериб "Барса" чорак финалга чиқа олади дегансиз. Нимага ишониб бундай дегансиз? 

- Кўпчилик ўша ўйиндан сўнг "Барселона" камбэк қилишига ишонмаганди. Аммо 6:1 ҳисобидаги ғалаба билан "Барса" дунёнинг энг иродали жамоа эканлигини кўрсатганди. 


- Луи Ван Галь сиз учун муҳим мураббий деб айтгансиз. Гвардиола билан кўп соврин ютгансиз. Сиз учун қайси бири қадрлироқ?

- Тўғриси кимнидир ажратиб кўрсата олмайман. Чунки Луи Ван Галь мени ёшлигимдан футболчи бўлиб етишишимга катта хисса қўшган. Гвардиола билан эса дунёдаги барча совринларга эга чиққанман. Шу боис иккиси мен учун жуда қадрли инсонлар. 


- Сиз айни пайтда футбол агенти бўлиб ишлаяпсиз. Ўзбекистонлик қайсидир футболчи ёки футболчиларни Европага тавсия қила оласиз?  

- Бу жуда оғир иш. Аммо яхши ғоя. Масалан, "Ла Масия"да ёш футболчиларни аввало футболчи эмас инсон бўлиб етишиши учун ишланади. "Реал" ёки "Барселона"да ўйнаш учун талаблар жуда катта. Шу боис бу ерда ўйнашга доим кўп меҳнат қилиши керак. 


"Барселона" клубининг Ўзбекистондаги мухлислар клуби "Барсамания" етакчиси Карлес Пуйолга махсус совға, футболка топширилди. 


-Ўзбекистонда иккинчи бор келдим. Ўтган сафар ҳам бу сафар ҳам жуда қисқа вақтга келдим. Шу боис мамлакатингиздаги барча диққатга сазовор жойларни кўрганим йўқ. Дунёнинг ҳеч қайси давлатида бунчалик ширин меваларни емаганман. Паловни эса ҳали еб кўрмадим. 


- Рақиблардан қайси ҳужумчи сизга жиддий қаршилик кўрсатган?

- Кўп кучли ҳужумчиларга қарши ўйнаганман. Масалан, Лео Месси машғулотлар вақтида менга жуда кўп қийинчилик туғдирарди. Бундан ташқари Дидье Дрогба менга жуда кўп бор қаршилик қилган. Унга қарши ўйнаш доим оғир бўлган. Жисмонан бақувват ва тезкор ҳужумчи эди у. 


- Месси ёки Роналду? Ким кучли?  

- Жаҳон тарихидаги энг кучли икки футболчи ҳақида гап кетмоқда. Мессини ҳар куни машғулотларда кўрардим. Уни футбол тарихидаги энг яхши футболчи деб ҳисоблайман. Роналду ҳам кучли, йилдан йилга у кучайиб бормоқда. Яқин келажакда ким уларнинг ўрнини босиши мумкин десангиз Неймар деб жавоб бераман. Аммо менимча яқин 7-10 йилда Месси ва Роналду бошқаларга ютқазишмайди. 


- Сизнингча энг кучли ҳимоячи ким? 

- Жерар Пике. Сабаби футбол ўзгариб бормоқда. Аммо унинг услуби ўзгаришларга мос тушаверади. У ҳужумда ҳам яхши ўйнай олади. 


- Кибер футбол ўйинларига қандай қарайсиз? 

- Кибер футболни олдин жуда кўп ўйнардим. Ҳозир бунга тўғриси вақтим йўқ. Анчадан буён кибер футбол билан шуғулланмаяпман. 


- "Реал" ва "Барселона" мухлислари ўртасидаги муносабатга қандай қарайсиз? 

- Бу дунёнинг энг кучли икки клуби ўртасидаги баҳсларда мухлислар маданияти албатта жуда муҳим. Аммо ўйин тугагач бу барчаси унутилиши лозим. Мухлислар ўзларини қўлга олишлари лозим. 


- Тошкентга ушбу ташрифдан кўзланган мақсад қандай эди ва ташрифга ФИФАнинг қандай алоқаси бор? 

- Фаолиятимни тугатгач нима қилиш ҳақида кўп ўйладим. ФИФАнинг FIFA legend лойиҳасида ишлашга рози бўлдим. Айнан шу боис Ўзбекистонга келдим ва ёш футболчиларга мастер класс ўтиш, дунёда футболни оммавийлигини ошириш асосий мақсадимиз ҳисобланади. 

Нарзулла Сайдуллаев

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг