Карлос Алькараз Уимблдон турнирининг иккинчи финалчиси

Испаниялик иқтидор эгаси 2 соату 55 дақиқа давом этган ярим финал баҳсида сайёрамизнинг бешинчи ракеткаси, россиялик Даниил Медведевни тўрт сет натижасига кўра мағлубиятга учратди - 6/7(1), 6/3, 6/4, 6/4. Теннисчиларнинг ўзаро учрашувларида Карлос олдинда бормоқда - 5:2. 

Учрашув статистикаси:

Даниил Медведев - 5 та эйс, 6 та қўшхато, 3 та брейк

Карлос Алькараз - 6 та эйс, 2 та қўшхато, 6 та брейк

Алькараз фаолиятида тўртинчи бор "Катта Дубулға" турнири финалига чиқди. У ўтган йили ҳам Уимблдон турнирининг финалида ўйнаган эди. Унинг мусобақа бош соврини учун баҳсдаги рақиби дунёнинг иккинчи ракеткаси, сербиялик Новак Жокович бўлади.