Карлсен - Grand Chess Tour босқичи ғолиби!

Ўн бир тур якунларига кўра норвегиялик шахматчи 8 очко тўплаган ҳолда биринчи ўрини эгаллади. Шоҳсупанинг иккинчи поғонасидан АҚШ вакили Уэсли Со жой олди. Кучли учликка асли италиялик, лекин бир неча йилдан бери АҚШ шарафини ҳимоя қилиб келаётган Фабиано Каруана якун ясаб берди.

Маълумот учун, мусобақанингг умумий соврин жамғармаси 325 000 АҚШ долларини ташкил этади. Магнус Карлсен ғолиб сифатида ушбу сумманинг 90 000 долларини қўлга киритди. У сўнгги турда оқ доналарда ҳаракат қилди ва франциялик рақиби Максим Вашье-Лагравни мағлубиятга учратди.  

Сўнгги 11-тур натижалари:

Карлсен – Вашье-Лаграв 1-0, Непомнящий – Гири 0-1, Аронян – Со, Карякин – Каруана, Мамадияров – Дин Лижэнь, Накамура – Ананд дуранг.

Якуний жадвал: 1. Карлсен – 8; 2. Со – 7; 3-4. Каруана, Аронян – 6; 5-7. Дин Лижэнь, Гири, Непомняший – 5,5; 8. Карякин – 5; 9-11. Вашье-Лаграв, Мамадияров, Ананд – 4,5; 12. Накамура – 4.