15 июл 10:56
Янгиликлар

Шахмат

Карлсен The Aimchess Rapid-2023 чемпиони, Абдусатторов учинчи!

Онлайн форматда ўтказилган шахмат бўйича The Aimchess Rapid-2023 турнири якунига етди.

Ҳал қилувчи Grand финал учрашувида америкалик Уэсли Сони 3:1 ҳисобида мағлубиятга учратган шахмат афсонаси Магнус Карлсен The Aimchess Rapid-2023 чемпионига айланди. Норвегиялик собиқ жаҳон чемпиони 30 минг АҚШ доллари миқдоридаги мукофот пулини ҳам қўлга киритди.

Ярим финалда айнан бўлажак чемпионга ютқазган Нодирбек Абдусатторов кучли учликдан жой олди. Ҳамюртимиз ўтиш баҳсида Уэсли Сога 0,5:1,5 ҳисобида имкониятни бой бериб қўйди. Агар Нодирбек Содан устун келганида, финалда Карлсенга қарши баҳс олиб борган бўлар эди. Со 20, Абдусатторов эса 15 минг АҚШ долларига эга бўлди.