Карлсен ва Накамура кечаги плей-офф қарорига кескин фикр билдиришди

Партиялар якунланиши билан кўпчилик Нодирбек Абдусатторовнинг қўшимча коэфицентларга кўра рапид йўналишида жаҳон чемпиони бўлганини эълон қилди. Лекин ташкилотчилар бу борада шошилишмади ва ўзгача қарор чиқаришди.   

Эҳтимол, уларнинг тўртови ҳам қўшимча мусобақада ўзаро муносабатларига ойдинлик киритиб олишлари керакдир, деган фикрлар илгари сурилди. Аммо, ФИДE бунга кўнмади ва жаҳон чемпиони қўшимча кўрсаткич - Бухгольц коэфиценти бўйича биринчи ва иккинчи ўрин соҳиблари ўртасида аниқланишини ҳақида қарор қабул қилди. 

Табиийки, биринчи ўриндан жой олган ҳамюртимиз Нодирбек Абдусатторов ҳамда иккинчи ўрин эгаси россиялик Ян Непомняшийнинг ўзаро жаҳон чемпионини тай-брекда аниқлаши ҳақидаги қарор учинчи ҳамда тўртинчи ўрин эгаларига ёқмади.  

"Мутлақо аҳмоқ қоидалар", - дея амалдаги жаҳон тожи соҳиби Магнус Карлсен ўз фикрини очиқчасига ифода этди. 

"Ақлга сиғмайдиган бемаънилик", - дея Карлсеннинг фикрини давом эттириб қўйди Накамура. 

"Жуда чарчадим, лекин дам олиш учун деярли вақт йўқ. Боиси, эртага навбатдаги турнир!", - дея бугунги блиц мусобақасига ишора қилган Абдусатторов.