30 июл 14:50
Янгиликлар

Теннис

Каролин хоним бу йил ҳисобидан бешинчи финалда ўйнайди

Даниялик теннис маликаси Каролин Возняцки Швециянинг Бостад шаҳрида якунига етиб бораётган турнирнинг финалига йўл олди.

Каролин ярим финалда бельгиялик Элизе Мертенсни 7:5, 4:6, 6:2 ҳисобида мағлубиятга учратди. Бу Возняцки учун жорий мавсум WTA турнирларидаг бешинчи финал бўлади.

Даниялик теннисчи бу кўрсаткичи эвазига мавсум етакчисига айланиб олди. Яъни, бу йил ҳисобида ҳали ҳеч бир теннисчи 5 та финалда кортга чиқмаган эди. Унинг бугунги финалдаги рақибаси чехиялик Катержина Синьякова бўлади.