"Катта Дубулға". Ўразбоев ва Тиловов ғалабали юришни давом эттирмоқда

Мусобақада -66 кг вазнли дзюдочилар ўртасида давом этаётган баҳсларда ватанимиз шарафини икки нафар спортчиларимиз - Мухриддин Тиловов ва Диёрбек Ўразбоев ҳимоя қилмоқда. Мухриддин илк даврада Сербия вакили Страхиня Бунчични мағлуб этди, иккинчи даврада эса словениялик Адриан Гомбошдан устун келди. Энди ҳамюртимиз учинчи даврада Германия вакили Себастиан Сеидлга қарши татамига чиқади. 

Ушбу вазнда илк даврадан озод бўлган иккинчи вакилимиз Диёрбек Ўразбоев илк баҳсини Дмитрий Шершанга қарши ўтказиб, ғалаба қозонди. Энди ватандошимиз кейинги босқичда Болгария вакили Божидар Темелковга қарши тўқнаш келади.

Аёллар ўртасида -52 кг вазн тоифасида баҳсларда қатнашган Диёра Келдиёрова илк даврада мўғулистонлик Сосорбарам Лагвасуренга имкониятни бой берди.