26 окт 18:22
Янгиликлар

Дзюдо

"Катта Дубулға" турнирини 2 та бронза медали билан якунладик

БАА пойтахти Абу-Даби шаҳрида "Катта Дубулға" туркумига кирувчи турнир ўз якуни сари яқинлашмоқда.

Лекин бизнинг дзюдочилар аллақачон мусобақадаги иштирокларини якунлаб бўлишди. Бугун татамига чиққан олти дзюдочимиздан ҳеч бири хатто чорак финалга ҳам чиқа олмади. Фақат мусобақанинг биринчи ва иккинчи куни қўлга киритилган медаллар БААдан қуруқ қайтмаслигимизни таъминлади.

Терма жамоамиз аъзоларидан Диёрбек Ўразбоев (-60 кг) ва Ҳикматуллоҳ Тўраев (-73 кг) нуфузли мусобақанинг бронза медали ҳамда Токио Олимпиадаси йўлидаги қимматли 500 рейтинг очкосини қўлга киритди. Қолган дзюдочиларимиз ҳам етиб келган босқичларига қараб рейтинг очкосига эга бўлишди.

Маълумот учун, Абу-Даби турнири ғолиблари ўз ҳисобларига 1000 рейтинг очкосини қўшиб қўйишади. Кумуш медаль соҳиблари 700, бронза медаль эгалари эса 500 рейтинг очкосига эга бўлишади.