Кайрат Сатжанов Дўсматов - Бибосинов баҳси ҳақида: «Бу жуда қийин жанг бўлади»

Бокс бўйича Қозоғистон терма жамоасининг собиқ бош мураббийи Кайрат Сатжанов Осиё ўйинлари 1/8 финалида Хасанбой Дўсматов ва Сакен Бибосинов ўртасидаги бўлажак жанг ҳақида гапирди.

«Бу жуда қийин жанг бўлади. Кўп нарса мураббийлар танлаган тактикага боғлиқ бўлади. Бибосинов Сербиядаги жаҳон чемпионатидаги каби Дўсматовни мағлуб этиши зарур. Сакенга ғалаба тилайман, олдинги жангларда йўл қўйилган хатолардан қочишимиз керак. Ринг марказида бўлишга ҳаракат қилиш ва рақибни масофада ушлаб туриш керак» - деди мутахассис.