Кечки дастурда бизни иккита финал ва битта бронза учун баҳс кутмоқда

Қувонарлиси, кечки дастурда бизни иккита финал учрашуви кутмоқда. -90 кг вазн тоифасидаги баҳсларда юртимиз шарафини ҳимоя қилаётган Давлат Бобонов финалда жаҳон чемпионатининг кумуш медали совриндори, япониялик Шоичиро Мукаига қарши татамига чиқади. 

-100 кг вазндаги дзюдочимиз Муҳаммадкарим Ҳуррамов эса Осиё-Океания чемпионлиги учун япониялик Аарон Вольф билан тўқнаш келади. Шу вазндаги иккинчи дзюдочимиз, ярим финалда айнан Ҳуррамовга ютқазиб қўйган Музаффарбек Тўрабоев бронза медали учун кечадиган баҳсда БАА вакили Иван Ремаренко билан учрашади.     

Кечки дастур. Медаллар учун кураш

-90 кг вазн тоифаси. Финал 

Давлат Бобонов (Ўзбекистон) - Шоичиро Мукаи (Япония)

-100 кг вазн тоифаси. Финал

Муҳаммадкарим Ҳуррамов (Ўзбекистон) - Аарон Вольф (Япония)

Бронза учун баҳс

Музаффарбек Тўрабоев (Ўзбекистон) - Иван Ремаренко (БАА)