23 окт 14:23
Янгиликлар

Келдиёрованинг рақибаси маълум, баҳсни Рамзиддин Саидов бошқарди

Венгрия пойтахти Будапешт шаҳрида дзюдо бўйича “Катта Дубулға” туркумига кирувчи нуфузли мусобақа бошланди.

Ҳозиргина беллашувлар ўтказилаётган "Ласло Папп" аренасида -52 вазн тоифасидаги биринчи давра учрашувларидан бири якунланди. Биз учун аҳамиятлиси, унда Диёра Келдиёрованинг иккинчи даврадаги рақибаси аниқланди.

Икки карра жаҳон чемпиони, украиналик Дарья Билолид туркиялик Ирем Коркмазга қарши татамига чиқди ва қўшимча бўлимдаги очко эвазига ғалаба қозониб, иккинчи босқичга йўл олди. Бироздан сўнг Дарья Билодид - Диёра Келдиёрова беллашувига гувоҳ бўламиз.