Келесда кураш бўйича вилоят прокурори кубоги учун мусобақа ўтказилди + ФОТО

Унда пойтахт вилоятининг барча шаҳар ва туманларидан 400 нафарга якин ёш курашчилар ғолиблик учун гиламга чиқишди. Полвонлар жами 9 та вазн тоифасида беллашдилар.

Қизлар -30, -36, -44 килограмм вазнда рақобат олиб боришди. Ўғил болалар эса -30, -33, -36, -40, -44 ва -48 килограмм вазнда ўзаро куч синашдилар. Қизғин ва муросасиз баҳслар остида ўтган мусобақада вилоят прокурори кубоги Ангрен шаҳар жамоасига насиб эди.

Жамоанинг иқтидорли курашчилари Санжар Қамбаралиев, Асал Турғунбоева, Камол Қурбонов, Аҳрор Эсонбоев, Соҳиб Мамасолиевлар ўз вазн тоифаларида тенгсиз эканликларини амалда исботлаб, вилоят прокурори Кубогини қўлга киритишда муносиб ҳисса қўшишди. 

Чирчиқ шаҳар курашчилари иккинчи, Зангиота тумани жамоаси эса учунчи ўринни банд этди. Ғолиб ва совриндор бўлган ёш полвонлар ташкилотчилар томонидан муносиб такдирланишди.

Шу тариқа, кураш бўйича Тошкент вилояти прокурори кубоги беллашувлари Вилоят кураш федерациясининг 2021 йил тақвим режасидаги барча мусобақаларни якунлаб берди.