25 янв 08:03
Янгиликлар

Бокс/ММА

Келвин Гастелумнинг навбатдаги рақиби ва жанг санаси маълум

Ўрта вазн тоифаси жангчиси Келвин Гастелум ўзи учун сўнгги имкониятнинг биридан фойдаланади.

Икки мағлубиятли серия билан келаётган 31 ёшли Келвин 8 апрель куни АҚШнинг Бруклин шаҳрида ўтказиладиган UFC 287 турнирида Крис Кертисга қарши октагонга чиқади. У икки жангида Роберт Уиттакер ва Жаред Каннонирга имкониятни бой берган эди.

Аслида Гастелум 14 январь куни Нассурдин Имавов билан жанг қилиши лозим эди. Аммо машғулотда жароҳат олгани сабаб сафдан чиққанди. 35 ёшли Крис Кертис эса ўтган йилнинг декабрь ойида Хоакин Баклини иккинчи раундда нокаутга учратганди. Унгача Кертис Жек Херманссонга ютқазиб қўйган ва UFC промоушенидаги илк мағлубиятини қабул қилиб олган эди.

Айни пайтда Келвин Гастелум UFC ўрта вазн тоифаси рейтингида 13, Крис Кертис эса 14-ўринни эгаллаб турибди.