Келвин Каттар Чикадзенинг гапларига жавоб қайтарди

Гига Чикадзе Келвин Каттарни ўнтадан тўққизта ҳолатда мағлуб этишини билдирганди.

"Шунақаси ҳам бўлиб туради - юзингга бошқа нарсани гапиришади, интервьюда эса мутлақо бошқа гапларни айтишади. Мен Гиганинг гапларини ўзимга олганим йўқ. Унинг тезроқ тўлиқ тикланишига тилакдошман. Мен жангдан кейин унга, "Сен ҳозир қилишинг мумкин бўлган ягона иш кейинги рақибингдан барча аламингни олиш", - дедим. Мағлубиятлар унинг фойдасига ишлайди деб ўйлагандим. Гиганинг сўзларига кўра эса ҳали бери у буни тушуниб етмапти. Шахсан менга мағлубиятлар катта ёрдам берганди", - дейди Каттар.

Эслатиб ўтамиз, UFC Вегас 46 турнирининг марказий жангида америкалик Келвин Каттар Грузия вакили Гига Чикадзега қарши октагонга кўтарилганди. Жанг тўлиқ беш раунд давом этиб, якунда ҳакамлар бир овоздан Каттарнинг ғалабасини таъминлашганди - 50-44, 50-45, 50-45.