Кемран Нуриллаев: Медаль олмасликка ҳаққимиз йўқ эди

Қувонарлиси, бугунги баҳсларнинг -60 кг вазнда баҳс олиб борган Кемран Нуриллаев бронза медални қўлга киритиб, терма жамоамиз ҳисобга биринчи медални тақдим этди. Спортчимиз тақдирлаш маросимидан сўнг мусобақа ҳақида ўз фикрлари билан ўртоқлашди:

"Жуда ҳам хурсандмиз. Ўзимизни уйимизда ҳаракат қилмоқдамиз, мухлисларимиз қўллаб турмоқда. Шунинг учун ҳам бугун биз улар учун медаль олмасликка ҳаққимиз йўқ эди. Рақибларимнинг барчаси кучли ва уларнинг ҳар бири яхши тайёргарлик билан келганди. 

Ўзбекистон дзюдо миллий терма жамоаси аъзолари бу мусобақада қанча медал олади деб ўйлайсиз?

Биринчи навбатда барчаси яратгандан. Эртага яна кўплаб кучли спортчиларимиз баҳсларга киришишади. Улардан олтин медаль кутиб қоламиз. Ўзим медаль олганимдан хурсандман, акам Сардор Нуриллаевнинг медални қўлга киритиши мени янада хурсанд қилди.