Кеттерол Шаҳрам Ғиёсов каби узоқ кутмоқчи эмас. У Ромерога мурожаат қилди

"Тушунишича, Шахрам анча вақтдан бери Роллини қувиб юрган, лекин Роландо у билан жанг қилишни истамаган. Биз эса имкониятдан фойдаланиб, чемпионлик жанги учун навбатга чиқдик. Мен менежерларим Сэм Жонс ва Эдди Ҳирнга кутиб ўтиришни хоҳламаслигимни аниқ қилиб айтдим. Шунинг учун ҳам WBO бўйича мажбурий даъвогарлик мақомидан воз кечиб, шу йўлни танладим. Ролли, агар хоҳласанг, кейинги жангни дарҳол ўтказамиз. Кел, ҳал қилайлик. Агар истамасанг, унда камарни бўшат ва ўз йўлингдан кет. Биз эса жанг қилишда давом этамиз, фаол бўламиз ва энг кучли рақиблар билан тўқнашамиз", дейди Кеттерол.

Эслатиб ўтамиз, Жек 23 май куни Мисрнинг Гиза шаҳрида ўтказилган проф бокс оқшомида ҳамюртимиз Шаҳрам Ғиёсовни очколар ҳисобига кўра мағлуб этиб, WBA Regular камарига эга чиққанди.