Кевин Холланднинг навбатдаги рақиби ва жанг санаси маълум

Яримўрта вазн тоифасида америкалик UFC жангчиси Кевин Холланд (23-9) аргентиналик Сантьяго Понзиниббиога (29-6) қарши жанг қилади.

Ушбу жанг 8 апрель куни Майами (АҚШ)да ташкил этилувчи UFC 287 мусобақаси доирасида ўтказилади.

Аввалроқ, Алекс Перейра - Исраэль Адесанья, Гилберт Бернс - Хорхе Масвидаль жанглари ушбу мусобақа доирасида бўлиб ўтиши ҳақида хабар берган эдик.

Кевин Холланд сўнгги бор 2022 йил 3 декабрь куни Стивен Томпсонга (16-7-1) қарши октагонга чиқиб, мағлуб бўлган эди.

Аргентиналик Сантьяго Понзиниббио эса оҳирги жангини 2022 йил 10 декабрь куни америкалик Алекс Моронога (22-8) қарши ўтказиб, муддатидан аввал ғалаба қозонган эди.