UZ

Сўнгги янгиликлар

19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0

07 авг 18:30
Янгиликлар

Бошқалар

Киберспорт ривожи йўлида янги қадам – Uzbekistan Esports федерацияси IESF ва AESF аъзолигига қабул қилинди

Теглар :  Киберспорт
Uzbekistan Esports федерацияси Халқаро электрон спорт федерацияси (The International Esports Federation – IESF) ва Осиё электрон спорт федерацияси (Asian Electronic Sports Federation – AESF) аъзолигига қабул қилинди.

Бу ҳақда бугун халқаро ташкилотларнинг расмий сайтларида маълум қилинди.

IESF’нинг маълум қилишича халқаро ташкилотга Uzbekistan Esports федерациясидан ташқари Жанубий Америкадан Аргентина ва Гватемала, шунингдек, Европадан Норвегия ва Ирландия электрон спортфедерациялари ҳам аъзо сифатида тан олинган.

Маълумот учун, The International Esports Federation – IESF 2008 йилда Европа ва Осиёнинг 9 мамлакати аъзолигида ташкил этилган эди. Шундан буён йилдан-йилга ушбу халқаро ташкилотга аъзо бўлаётганлар ортиб борди.

Ҳозирги кунда ташкилотга 71 та давлат аъзо бўлган бўлиб, IESF жаҳонда электрон спорт ўйинларининг оммалашуви ривожланиши йўлида фаол хизмат кўрсатмоқда.

Шунингдек, Осиё электрон спорт федерацияси (Asian Electronic Sports Federation – AESF) ҳам Uzbekistan Esports федерациясининг ташкилотга расман аъзо бўлганлигини эълон қилар экан, Ўзбекистонда ушбу спорт ўйинлари тобора ривожланиб бораётганини эътироф этди.

Uzbekistan Esports федерацияси президенти Азизбек Паттахов Asian Electronic Sports Federation ижроқўм аъзолигига ҳам қабул қилинган. Энди халқаро ташкилот томонидан муҳим қарорлар қабул қилинаётганда Ўзбекистон томони ҳам ўз овозига эга бўлмоқда.

Маълумот учун, Uzbekistan Esports федерацияси 2016 йилда ташкил этилган бўлиб, "Team Uzbekistan" - миллий терма жамоа спортчилари билан халқаро мусобақаларда Ўзбекистон номидан муносиб иштирок этиб келмоқда.

Бугунги кунда Жисмоний тарбия ва спорт вазирлиги томонидан ҳам киберспортнинг мамлакатимизда профессионал спорт тури сифатида кенг ривож топиши учун Uzbekistan Esports федерацияси билан ҳамкорликда қатор ишлар амалга оширилмоқда. Жумладан, ҳар йили мамлакат очиқ чемпионатлари ташкил этилиб, иқтидорли спортчиларни саралаб олган ҳолда "Team Uzbekistan" жамоаси аъзолари шакллантирилмоқда.

Uzbekistan Esports федерацияси Alibaba Sports ва SHOS Esports Siyan халқаро ташкилотларининг ҳам аъзоси саналади. Федерациянинг бу ташкилотлар билан узоқ йиллик шартномалари мавжуд бўлиб, улар томонидан ташкил этилаётган йирик турнирларда спортчиларимиз муносиб иштирок этиб келмоқда.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг