01 мар 12:34
Янгиликлар

Кикбоксинг

Кикбоксчиларимиз Қирғизистондан медаллар шодаси билан қайтишди + ФОТО

Уч кун давомида Қирғизистоннинг Ўш шаҳрида кикбоксинг бўйича ўсмирлар, ёшлар ва катталар ўртасида халқаро турнир бўлиб ўтди.

Ҳаваскор ва профессионал йўналишда ўтган беллашувларда Рашид Акалбаев мураббийлигидаги ўзбекистонлик спортчилар ҳам рингга чиқишди. Профессионал жангларда иштирок этган ҳамюртларимиздан 5 нафари ўз вазн тоифаларида халқаро турнир ғолиблигини қўлга киритишди.

Абдусалом Ўринов (57 кг), Соҳибжон Ғойипов (60 кг), Улуғбек Икромов (63.5 кг), Ботир Умирзоқов (67 кг) ва Комилжон Раҳимбеков (86 кг) халқаро турнирнинг олтин медалига сазовор бўлишди.

Ҳаваскорлар ўртасидаги мусобақада юртимиз шарафини ҳимоя қилган кикбоксчиларимиздан Усмон Мирзоҳидов (60 кг) 14-15 ёшли иштирокчилар орасида шоҳсупанинг энг юқори поғонасига кўтарилди. Айнан шу ёш тоифасининг 54 кг вазндаги баҳсларида Дониёр Абдукабиржонов бронза медали билан тақдирланди.