Кикбоксинг бўйича Ўзбекистон кубоги ўтказилади

Спорт тадбири Жаҳон Кикбоксинг ташкилотлари ассоциацияси (WAKO) қоидаси асосида ва Олимпия тизими бўйича ўтказилади. 

Мусобақада фақат Ўзбекистон Республикаси Кикбоксинг ассоциацияси аъзолари иштирок этади. Спортчилар тўлиқ эпикировкалар (шлем, капа, бандаж, шорти, шалвар, бокс қўлқопи ва фута)да чиқишлари шарт;

Мусобақа Кик-Лайт, Лоу-Кик йўналишлари бўйича ўтказилади. Мусобақа ўғил болаларда -51 кг, -67 кг, қизларда эса -52 кг вазн тоифасидаги жанглар 2022 йил март ойида Таиландда бўлиб ўтадиган Осиё ўйинларида қатнашиш учун саралаш ҳисобланади.

Чемпионатни ўтказиш бўйича умумий раҳбарлик Ўзбекистон Республикаси Туризм ва спорт вазирлиги ҳамда бевосита раҳбарлик Ўзбекистон Кикбоксинг ассоциацияси томонидан амалга оширилади. Мусобақани Ўзбекистон Кикбоксинг ассоциацияси томонидан тайинланган ҳакамлар хайъати таркиби ўтказади. 

Мусобақада иштирок этувчиларнинг хужжатларини қабул қилиш ва расмийлаштириш Ўзбекистон кикбоксинг ассоциацияси буйруғи билан тайинланган мандат комиссияси зиммасига юклатилади.

Ўзбекистон чемпионатини ўтказиш вақти ва жойи: 10-14 ноябрь кунлари Навоий вилояти Навоий шаҳридаги НКМКга қарашли “Сўғдиёна” жисмоний тарбия спорт комплекси.